MAZMUR 69:13 - Alkitab Singog In Mongondow Masa In Tanaa

¹³ Akuoi in tantú oumanon magí-mako monia kon poyosipunanmai in intau, bo dondong in intau mita nongoḷoḷangu in akuoibí.

MAZMUR 69:13 Referans Kwoze

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!

YESAYA 49:8

Ki Tuhan in noguman kon umat-Nea, “Kon tungkuḷ in Akuoi in moibog, Akuoi in motubagbí; kon singgai Akuoi moposaḷamat, Akuoi motuḷung kon i monimu. Moiko in oḻiungan-Ku bo ḷukadan-Ku, bo baḻíon-Ku dodandian kon bangusa mita. Tompiaan-Ku bui in butá inta noingongowdon mobaḻí butá tonsilai inta pogutunan.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

SAMUEL 1 25:8

Tungkuḷaidon ḻibó kon i monia, notantúbí kon totuuon monia intua. Manangka intua, haraponku mako sinbá intauku mita in tarimaan mopia kon baḷoimu, sin kami in namangoi kon singgai moḷoben naa. Ogoiaipa kaasí in bobantungmu mita naa bo akuoi, ki Daud, inta yobayatmu mopia, tongáka onu in koibogmu ogoi.”

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

YESAYA 55:6

Pobuidon kon i Tuhan kon dodai in mokopobuipa; pokuanidon kon i-Nia kon dodai in Sia nodiugpa.

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

MAZMUR 98:3

Kinotoropan-Nea in tabi bo kososatia-Nea kon Israel, umat-Nea. Bayongan in bangusa kon sinangkub in butá ain nokoontong kon kinountungan i Allah naton.

MAZMUR 51:1

Kon i itoi in mododondong. Mazmur i Daud

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

ESTER 7:2

Koyogot in nonginum kon anggur, ki datu in noḻibó bui kon i Ester, “Uḻe, Buḷoiku, onu in koibogmu? Pogumandon! Notantú bidon kon ogoikubí umpakabí igumonmu in tongo botak in dodatuan ku.”

ESTER 5:6

Kon dodai in nonginum kon anggur, ki datu in noḻibó, “Tanaa in pogumandon mongo onu in koibogmu. Onukabí in poigumonmu ogoikubí, umpakabí tongo botak in dodatuan ku!”

ESTER 5:2

Naonda in sia nokoontong kon i Ratu Ester sinimindog kon ḷuai, notabi in sia bo pinotundúnea kon i Ester in tungkudnea buḷawan. Dá dinimiug in ki Ester, bo noḻiai kon popod in tungkud tatua.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

OMBAḶ 3:63

Nongkon doḷo-doḷom nodapot in doḷom, akuoi in binaḻíbí intau inta kosingan mangoi.