MAZMUR 68:25 - Alkitab Singog In Mongondow Masa In Tanaa

²⁵ Komintanbí moindoi kon pawai kinountungan-Mu, o Allah, Allahku, Datuku, sinakinan minayá kon pogogutunan-Nea.

MAZMUR 68:25 Referans Kwoze

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YEREMIA 31:4

Bangusamu in baḻíon-Kubí ponango-nangoian ná dungkuḷmai. Komintanpa doman moiko in mogamábí kon rebana bo motayok takin ḷunganga in gina.

MAZMUR 87:7

Mosia in motayok bo mopodondongbí, “Sion in ḻipú kinoḷontaganku!”

SAMUEL 1 18:6

Kon dodai in ki Daud nobui naonda in nonaḷow mako kon i Goliat intau in Pilistin tatua, bo tontara mita nopipid in sinumuot kon bonu in kotá, bobay mita iḻumuai nongkon bayongan in kotá kon Israel sin motomu kon i Datu Saul. Mosia in nopodondong in dondong ḷunganga in gina, mosia notayok takin nopogogitog in rebana bo kecapi.

MAZMUR 63:3

Biódon mako in akuoi imindoi kon ini-Mu kon Baḷoi-Mu, bo moindoi kon ropot bo koḷantud-Mu.

MAZMUR 77:14

O Allah, bayongan in aid-Mu in motusi, ki inebí in ná koḷoben i Allah nami?