MAZMUR 66:9 - Alkitab Singog In Mongondow Masa In Tanaa

⁹ Sia in noḷukadon kon inami sinbá tantú mobiag, bo diá nopomayá mako kon inami noḷabú.

MAZMUR 66:9 Referans Kwoze

MAZMUR 121:3

Sia in diábí mopomayá mako kon inimu moḷabú, moḷoḷukadmu in umuranbí moḷukad mako.

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 94:18

Kon tungkuḷ in akuoi norai kon moḷabú in akuoi, tabi-Mu, Tuhan, nokoporoton kon tosindogku.

OUMAN IN RASUL MITA 17:28

Sin ná inta kain singog in intau, ‘Kita naa in nobiag bo motaau mamagí mamako modapot in oyúon kon dunia, lantaranbí kawasa-Nea.’ Ná doman kain momomantun monimu, ‘Kita naa in komintanbí ki adí-Nea mita.’

MAZMUR 125:3

Intau moraat in diábí umuran mongawasa kon butá budel in intau mojujur, sinbá intau mopia diá moidudui mogaid kon inta moraat.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.

MAZMUR 62:6

Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.