MAZMUR 65:10 - Alkitab Singog In Mongondow Masa In Tanaa

¹⁰ Butá tatua in iḷukadan-Mu bo inogoian in uyan, pinoḷumbá-Mu dá nobayong in bungai in boyónea. Ongkag mita binonuan-Mu in tubig kinopuḻing, sinadia-Mu in gandum kon i monia, oo, natuata in pinososadia-Mu kon inia.

MAZMUR 65:10 Referans Kwoze

MAZMUR 147:8

Siabí in nopoukat in goḷom kon ḷangit; Sia in nosadia kon uyan poonag kon butá, bo nomiag bui kon bonok kon tombuḷud.

ULANGAN 32:2

Poigumon mako in topotundúku mamonag naonda bo uyan, bo tosingogonku motait naonda bo oḷú, naonda bo rinsi-rinsik in uyan kon tudu in bonok, bo uyan inta morogot kon pinomuḷa mita.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

MAZMUR 68:10

Morogot totok in uyan pinoangoi-Mu, bo nomobat kon butá-Mu inta noḷogat.

MAZMUR 104:13

Nongkon ḷangit pinoonag-Mu in uyan kon buḷud, butá nopuḻing in aid in ḻima-Mu.