MAZMUR 64:2 - Alkitab Singog In Mongondow Masa In Tanaa

² O Allah, indongogaipa kaasí in sambayangku kon tungkuḷ in umaan susa, posaḷamatpa in nyawaku nongkon musung inta mokoondok.

MAZMUR 64:2 Referans Kwoze

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 59:2

O Allah, posaḷamatdon in akuoi nongkon musungku mita, oḻingoiaidon in akuoi nongkon intau inta monubu kon inakó.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

YEREMIA 18:23

Táe iko, Tuhan, nonotaau kon bayongan inta sinomayá monia sin moḻimod kon inakó. Tuamai, dika mongampung kon i monia; dika momopat kon taḷá monia. Bongkugdon in mosia modapot in moḷabú. Aidaidon kon i monia podudui in torú-Mu.”

MAZMUR 56:6

Kinoouput in singgai musung mopotombauk in pelekaraku, umuranbí in mosia moḷongasi mopobodito kon inakó.

MAZMUR 3:1

Mazmur i Daud, kon tungkuḷ in sia noḷagui nongkon i Absalom, ki adínea.

OUMAN IN RASUL MITA 25:3

Mosia in umuran modondouḷug kon i Pestus sinbá podudui in kopopia in ginanea, sin in moibog mopotabá kon intau modia kon i Paulus mayá in Yerusalem; sin mosia ain notobatú kon gina moḻimod kon inia wakutu in sia kon daḷanpa.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

KINOBAḺIAN 4:6

Dá ki Tuhan nogumandon kon i Kain, “Nongonu sin tumorúbí in iko? Nongonu sin totokbí in morongut iko?

YEREMIA 18:19

Dá nosambayang in akuoi, “Tuhan, indongogaipa in sambayangku; taridiaipa kaasí onu inta siningog in musungku soaḷ akuoi!

OUMAN IN RASUL MITA 24:9

Intau mita in Yahudi inta kon tua in nopototuu doman kon onu in pinonapud tua kon inia. Mosia in noguman doman, totuubí in singog i Tertulus tua.