MAZMUR 63:2 - Alkitab Singog In Mongondow Masa In Tanaa

² O Allah, Ikobí in ki Allahku, tayakonku bo kotanobanku in Iko. Naonda bo butá noḷogat inta morogang in tubig, natuata in rogangku kon ini-Mu.

MAZMUR 63:2 Referans Kwoze

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 105:4

Poigumdon kon ropot nongkon i-Nia, umurandon sumba in Sia.

MAZMUR 96:6

Sia in iḻibubí in koagungan bo kamuliaan, Baḷoi-Nea in nopuḻingbí in kawasa bo kogogaga.

TAWARIKH 1 16:11

Poigumdon kon ropot nongkon i-Nia, umurandon sumba in Sia.

MAZMUR 145:11

Mosia in mopoḷantudbí in kawasa-Mu saḷaku Datu, bo mongonguman kon kototorindog-Mu,

MAZMUR 134:2

Tonggó in ḻimamu potundú ná tampat motusi, bo dayowdon in ki Tuhan!

MAZMUR 78:61

Pinomayá-Nea mako in Poti Dodandian-Nea dinakop; lambang in kamuliaan-Nea inagow in musung.

MAZMUR 68:24

sinbá moiko mopomatá in dugú monia kon sioḷmu, bo ungkúmu mita in nodilá kon tua modapot in moorop.”

YESAYA 60:13

Onu inta nobaḻí mokosanang kon kayuon in Libanon in akutonbí poangoi kon inimu kayu in berangan, ḷokuyú bo eru sin momia kon Baḷoi-Ku momulia, bo mopogaga in sosindogan-Ku.

MAZMUR 5:4

Sin Ikobí in posambayanganku, o Tuhan, indongogaipa kaasí in kuaniku doḷo-doḷom. Doḷo-doḷom diaanku in sosumbaku bo oḷatonku mako in tubag-Mu, o Tuhan.

MAZMUR 42:3

Akuoi in mokotanob kon i Allah inta nobiag, toonu in motaau in akuoi mayá moibada kon Baḷoi-Nea?

MAZMUR 43:4

Dá akuoi in mopobayádon in mezbah i Allah, kon tayowon i Allah pangkoi in kopiaanku. Akuoi in modondongbí bo mopogogitog in kecapi, sin modayow kon ini-Mu, o Allah, Allahku.

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”