MAZMUR 63:1 - Alkitab Singog In Mongondow Masa In Tanaa

¹ Mazmur i Daud, kon tungkuḷ in sia kon padang gurun Yohuda.

MAZMUR 63:1 Referans Kwoze

MAZMUR 143:6

Akuoi in nosambayang kon ini-Mu takin ḻima noiyopa; naonda bo butá inta noingkag, jiwaku in mokotanob kon ini-Mu.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

MAZMUR 5:3

Indoiaipa kaasí in oigumku bo tuḷungaipa in akuoi, o Datuku, o Allahku.

YESAYA 41:18

Baḻíon-Ku in ongkag mita moiḻig kon tombuḷud mita inta noḷogat; Bokaká in momukábí kon yuak in toba. Padang gurun in baḻíon-Ku tabang; tubig in moitampurangbí nongkon butá inta moingkag.

YOHANES 7:37

Kon singgai pangabisan nongkon porayaan tatua, tuata in singgai inta totok moponting kon porayaan tatua, ki Yesus in sinimindog kon bonu in Baḷoi Tuhan bo nosingog noropot; “Intau inta moyogang angoidon kon i-Nakó bo nonginum.

MAZMUR 118:28

Iko in ki Allahku, akuoi in mopoyaput in sukur kon ini-Mu. Allahku, akuoi in mopoḷantud kon ini-Mu.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

MAZMUR 42:11

Morimumudon totok in ginaku popisí in rebeg in musung. Mosia in tantúbí moḻibó, “Kon onda in ki Allahmu?”

MAZMUR 31:14

Kon ondaka umuranbí oyúon in mokokoningkim; dongogonku in yogombong mita in musungku. Mosia in moyopakat moḷawang kon inakó, bo momia kon tomayá sin moḻimod kon inakó.

AYUB 8:5

Táe aka Iko moniung kon i-Nia, mopoigum in totabi bo mopoigum in ampung,

SAMUEL 1 22:5

Kon singgai tobatú nabi tobatú inta ki Gad in tangoinea namangoi kon i Daud bo noguman, “Dika mogutun mako kon angob tanaa, ḷagidon bayá kon butá in Yohuda.” Bo minayá domandon in ki Daud bo sinumuot kon kayuon in Keret.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YESAYA 35:7

Bungaion inta mopatú in mobaḻí tabang, butá inta mobota-botak, pomukáan in bokaká. Tampat inta dungkuḷ pinogutunan in ungkú in kayuon, in kobiagandon in utó bo bakung.

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MATIUS 12:43

Aka dimukud moraat iḷumuai nongkon intau, yo sia i maya-mayá mako in tampat inta noingkag sin motayak kon pogogaiannea. Táe diá nokouḻí in sia.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

DONDONG MOḶANTUD 5:8

Podandidon, ei mongodeaga mita in Yerusalem, aka moyodungkuḷ in batoḷ in dodobku, potaaudon kon inia, kon takitku naa in takitbí in tanob.

SAMUEL 2 15:28

Bain oḷatonku kon diug in ḷoḷoḷanan mita kon ongkag kon padang gurun modapot in mokouḻí kon habar nongkon inimu.”

TAWARIKH 1 16:14

Ki Tuhan in Allah naton, kaputusan-Nea in popoaid kon sinangkub in dunia.