MAZMUR 6:4 - Alkitab Singog In Mongondow Masa In Tanaa

⁴ Ginaku in diádon motantúmai; modapotbí in toonu kaasí taḷaan-Mu in akuoi, o Tuhan?

MAZMUR 6:4 Referans Kwoze

DANIEL 9:18

Indongogaipa kaasí in kami, o Allah, ḷongowaipa in kami bo taridipa kaasí in roriga nami takin kinogoguyaatan in kotá inta sinangoi in tangoi-Mu. Kami in nosambayang kon ini-Mu deemanbí popisí in aid mita nami mopia, táe popisíbí in Iko in totok kototabi.

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

MALEAKHI 3:7

Naonda bo mogoguyang monimu koḻipod, moiko komintan in sinumabatdon kon hukum-Ku mita bo diá nosatia in nopobayá intua. Pobuidon mangoi kon i-Nakó, dá Akuoi in mamangoidon bui kon inimu. Táe moiko in moḻibó, ‘Onu in musti aidan nami sinbá mobui kon ini-Mu?’

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

MAZMUR 116:4

Dá nokuani in akuoi kon i Tuhan, “O Tuhan, poigumonku, posaḷamatpa in akuoi!”

MAZMUR 90:13

O Tuhan, modapot in toonu Iko in tumorú? Pobuidon bo kotabipa in mogogundoi-Mu mita.

MAZMUR 80:14

Boké in kayuon moranut modapot in mogoguyaat, bo mahaḷuk kon rawang mokaan kon tua.

MAZMUR 22:20

Táe Iko, dikabí yumayú, o Tuhan, ḷagidon angoi bo tuḷungai in akuoi, sin Ikobí in ropotku.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

MAZMUR 120:2

O Tuhan, posaḷamatpa in akuoi nongkon intau mouboḷ bo moakaḷ.

MAZMUR 116:8

Ki Tuhan in nopoḷuatdon kon inakó nongkon popatoi; iḻipoi-Nea in akuoi bo diá pinomayá-Nea mako in noḷabú.

MAZMUR 86:13

Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

MAZMUR 69:13

Akuoi in tantú oumanon magí-mako monia kon poyosipunanmai in intau, bo dondong in intau mita nongoḷoḷangu in akuoibí.

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 13:2

Modapot in toonu koḻiongan-Mu in akuoi kaasí Tuhan? Modapot in toonu Iko in mogadop kon inakó?

MAZMUR 74:10

Modapot in toonu, o Allah, musung in morebeg kon ini-Mu? Modapot degá in mononoi mosia in moningkuḻe kon tangoi-Mu?

MAZMUR 79:5

O Tuhan, degá modapot in mononoi tumorú in Iko, bo intoi-Mu in moborambang naonda bo tuḷú?