MAZMUR 6:10 - Alkitab Singog In Mongondow Masa In Tanaa

¹⁰ Ki Tuhan in nokidongogbí kon oigumku bo notubagdon kon sambayangku.

MAZMUR 6:10 Referans Kwoze

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

YEREMIA 20:11

Táe Iko, o Tuhan, in kon dotáku; Iko in totok in moropot bo motorindog. Mosia inta mogaḷow bo mondorot kon inakó in moḷabúbí bo kodaitan in daya. Mosia in mooyábí modapot in mononoi, diádon in notuoi in bayongan tomayá monia. Koempengan monia tua in umuranbí toropon.

MAZMUR 86:17

Ogoiaidon in akuoi in tomponuot in kopopia-Mu, o Tuhan, sinbá intau inta mondoí kon inakó angoian in oyá, aka mosia in mokoontong kon ini-Mu motuḷung bo moḻipoi kon inakó.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

MAZMUR 132:18

Dodatuannea in umuranbí mobiag mooyúon, táe musungnea mita in pokopooyáanbímai.”

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 73:19

Tongá kon bonu in tokokiap morimumud in mosia, totuubí motoyang in kopaḷutan monia.

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MAZMUR 35:26

Biódon mako in intau inta mosanang in gina in nokoontong kon rorigaku in motoboḻingodon bo mooyádon. Biódon mako in intau inta ḷumoḷatú kon inakó in singkuḻeon bo pokopooyáanmai.

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 7:6

yo pomayádon mako in akuoi inaḷowan bo dinomok in musung, poḷat iḻimod bo sinaḷáan mako natua kon butá.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

MAZMUR 5:10

Sin tosingogon in musungku in diábí motaau pirisayaanmai; gina monia in nopuḻing in tomayá moraat. Tosingogon monia in mopia mokooangá, táe bonu in dodob monia nopuḻing in moraat.

MAZMUR 2:5

Bo mosia in sinorúan-Nea, bo sinaḻikokogan in torú-Nea.

AYUB 6:29

Dika mopoaid kon inta diá motuḻid, kosadardon! Dika mopotaḷá kon inakó, akuoi in totuubí kon diá kotaḷá.

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

MAZMUR 55:20

Ki Allah inta nomarenta nongkon pinomangkoian in mongindongogbí kon inakó bo monaḷow kon i monia. Sin mosia in doíbí tumobat, bo diá moondok kon i Allah.