MAZMUR 59:7 - Alkitab Singog In Mongondow Masa In Tanaa

⁷ Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

MAZMUR 59:7 Referans Kwoze

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

AMSAL 15:2

Tosingogon in intau mobijak mokopomia kon gina moangá kon sinotaau; tosingogon in intau bodok tongábí moguman kon kobobodok.

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 73:11

Guman monia, “Diábí kinotaauan i Allah, Ki Inta Totok in moḷantud diábí nomangaḻe.”

AMSAL 15:28

Intau mopia morai muna bo mosingog; intau moraat mosingog kon inta moraat.

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

MAZMUR 55:21

Yobayatku dungkuḷmai monubu kon yobayatnea mita, iḻimimpatdon in sia kon dodandiannea.

MAZMUR 10:13

Nongonu sin intau moraat in umuranbí mopoompámai kon i Allah bo morai kon ki Allah in diábí mohukum kon inia?

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

MAZMUR 94:4

Mosia in mopoyaput in tosingogon mita inta diá mopia, bo mopoḷoḷatú in aid monia moraat.

OMBAḶ 3:62

Mosia in mongonguman kon soaḷ akuoi kinoouput in singgai. Sinbá mobodito in akuoi dá nomia in mosia tomayá moraat.