MAZMUR 58:7 - Alkitab Singog In Mongondow Masa In Tanaa

⁷ O Allah, putoḷdon in ingipon mita monia, rabutdon in uwaḷa in singa mita batánea tatua, Tuhan.

MAZMUR 58:7 Referans Kwoze

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.

YESAYA 13:7

Pomuḷoi in intau naonda bo moḻemé in ḻimanea bo moinggamá in baraninea.

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

SAMUEL 2 17:10

Dá intau mita inta totok in mongotorindog bo mobarani naonda bo singa in notantúbí kon angoianbí in ondok. Sin bayongan intau in Israel in nonotaau bidon kon ki amá i Tuang tua in pahlawan, bo intaunea mita in intau doman mita inta motorindog bo mongobarani.

AYUB 4:10

Intau moraat moganggor bo mogaú, naonda bo singa mosia in moganggor. Táe pinomponan i Allah in bibig monia poḷat nomutoḷ kon ingipon mita monia.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.