MAZMUR 58:10 - Alkitab Singog In Mongondow Masa In Tanaa

¹⁰ Kon dodai in diápa kinotaauan, nodaitdon muna in mosia, naonda bo bonok dugi inta noḷunowpa bo diápa noḷantud nodait pinoḷayug in tompot, naonda bo pinomuḷa noingkag.

MAZMUR 58:10 Referans Kwoze

MAZMUR 68:23

Guman i Tuhan, “Ei umat-Ku, dinia-Ku in musungmu nongkon Basan dinia-Ku in mosia nobui nongkon apad in dagat,

MAZMUR 91:8

Aka iko mobobui magí-mako kon ḻibumumai, yo koontonganmubí in intau moraat kotugatan in tontuḻínea.

MAZMUR 64:10

Bo bayongan in intau angoiandon in ondok; mosia in moraidon kon oaidan i Allah bo mopotaa-taau mako kon onu inta ain inaidan-Nea.

AMSAL 11:10

Morame in kotá aka intau mobanar in mokouḻí kon rijiki; intau mita in monggoḷokapbí aka intau moraat in matoi.

MAZMUR 107:42

Intau motuḻid in mokoontong bo mopia in gina, táe intau moraat in sinukuman.

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

MAZMUR 52:6

Pinongin tosingogonmu mita iko mongakaḷ bo mopoyaat in gina in intau.

AYUB 29:6

Bobiagonku nobogoi in susu mobarong totok. Mobayong doman in ḷana in pangkoi mita in zaitunku, umpaka pinomuḷa kon butá inta nobarong in batu.

AYUB 22:19

Intau inta mopia, kumosing takin pia in gina, aka mokoontong kon intau moraat hukumon.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.

AMSAL 10:25

Aka deḷang mondangat, moyopúdon in intau moraat; táe intau inta motuḻid in gina in umuranbí moroton.