MAZMUR 56:7 - Alkitab Singog In Mongondow Masa In Tanaa

⁷ Mosia in moyosipun kon tampat noiadop, motarap mako kon bayongan inta aidanku, bo motayak kon kasampatan moḻimod kon inakó.

MAZMUR 56:7 Referans Kwoze

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YEREMIA 7:10

Naonda intua komintan inaidan monimu, moiko in mamangoi kon tayowon-Ku kon naa kon Baḷoi-Ku tontaní, bo moguman, ‘Moaman in kami!’ Onda intua moiko in mongingguputdon in mogaid kon inta moromú tua.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

MAZMUR 55:15

Dungkuḷmai noyobayat notompia in kita, bo noyotakinmai noibada kon Baḷoi Tuhan.

MAZMUR 55:9

Ḻimikatbí in akuoi motayak kon tampat pogadopan nongkon deḷang bo tompot moropot.

MAZMUR 36:12

Dikabí pomayá mako in akuoi in tubuon in intau inta mododia, andeka untunon in intau moraat.

MAZMUR 37:32

Intau mopia tarapon mako in intau moraat inta motayak kon kasampatan moḻimod kon inia.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 59:4

Indoiai, mosia in noḷabot sin moḻimod kon inakó, intau mita moḻingá noyodugang moḷawang kon inakó; bokaka deemanbí popisí in nogaid kon dosa in akuoi andeka iḻimimpat, o Tuhan.