MAZMUR 55:4 - Alkitab Singog In Mongondow Masa In Tanaa

⁴ Moḻia-ḻiaw in ginaku sin gogondokon in musung bo pinondorotan in intau moraat. Sin mosia in moposusamai kon kobiaganku, bo takin torú mosaturu kon inakó.

MAZMUR 55:4 Referans Kwoze

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

MAZMUR 88:3

Igumon mako sambayangku moiyaput kon ini-Mu, indongogaipa kaasí in kuaniku.

MAZMUR 69:20

Kinotaauan-Mu kon akuoi in totokbí in irebeg, siningkuḻe bo iraa-raatmai, inontong-Mubí in bayongan in musungku.

MAZMUR 6:3

Kotabipa kaasí in akuoi o Tuhan, sin nodaitdon in ropotku, iyotonaidon in akuoi sin mororigadon totok in akuoi.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

SAMUEL 2 16:7

Nanaa in tosingogon odi-odi i Simei kon i Daud, “Bayádon! Bayádon! Moḷoḻimod! Intau moraat!

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”