MAZMUR 55:23 - Alkitab Singog In Mongondow Masa In Tanaa

²³ Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

MAZMUR 55:23 Referans Kwoze

AMSAL 10:27

Horomatbí in ki Tuhan, dá moonggot in kobiaganmu; intau moraat matoi deemanpa wakutunea.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

AYUB 15:32

Kon dodai in diápa nodapot in wakutunea, matoi in sia, naonda bo tanga mointok noḷaḷow inta diádon moḷunow bui.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

MOHOHUTUBA 7:17

Dika doman moiḻiu in raat andeka moiḻiu in bodok. Onubí in mangaḻe in matoi aka deemanpa wakutunea?

MAZMUR 73:18

Pinotabá-Mu in mosia nongin daḷan inta morondog, bo pinomayá-Mu mako in mosia in moḷabú bo matoi.

AMSAL 27:20

Kon dunia in intau minatoi, umuranbí oyúon in tampat; natua doman in ibog in intau diábí in ayownea.

AMSAL 15:11

Ki Tuhan in nonotaaubí kon dunia in intau minatoi bo bayongan in yagi-yaginea; yo umpaka dá raian in intau bunion kon i-Nia?

MAZMUR 58:9

Biódon mako in mosia naonda bo kií inta ḷumoḷayat mobaḻí muntong, naonda bo adí mointok inta minatoi kon tungkuḷ in diápa nokoontong kon nobayag.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

MAZMUR 66:9

Sia in noḷukadon kon inami sinbá tantú mobiag, bo diá nopomayá mako kon inami noḷabú.

MAZMUR 112:6

Intau mopia in umuranbí mokouḻí; sia in umuranbí toropon modapot in mononoi.

MAZMUR 121:3

Sia in diábí mopomayá mako kon inimu moḷabú, moḷoḷukadmu in umuranbí moḷukad mako.