MAZMUR 55:13 - Alkitab Singog In Mongondow Masa In Tanaa

¹³ Aka kuma bo musung in mongempeng kon inakó, yo mokotahangpabí in akuoi. Aka kuma bo saturu inta moningkuḻe kon inakó, yo motaaupabí in akuoi mogadop kon inia.

MAZMUR 55:13 Referans Kwoze

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

SAMUEL 2 15:12

Bo koyogot in ki Absalom noposumba in kuruban, sia in nopotabá doman in totabá kon kotá in Gilo sin mogoiní kon i Ahitopel, inta monononggina tobatú i Datu Daud. Natuata in komplotan moḷawang kon i datu tatua kodugang-kodugangdon in koropotnea, bo kodugang-kodugang domandon in kobayong in dumodudui i Absalom.

YEREMIA 9:4

Umpaka kon yobayat, yo kon batúan in intau musti mokopoingat bo utat inoyod yo diá doman motaau pirisayaan. Sin, ná ki Yakub yo natua doman in mosia, kon batúannea monguboḷ kon i utatnea. Batúan in intau maya-mayá mako sin moponapud in diá totuu bo uboḷ.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

LUKAS 22:21

“Táe indoiai! Intau inta momaḻidawan kon i-Nakó in naadon koyota-yotakin-Ku!

YOHANES 19:13

Nokodongogmai kon natua, pinoki diadon i Pilatus iḷumuai in ki Yesus, bo minayádon in sia iḻimitú kon kadera pongadilan inta sinangoian Taḷog Batu (Litostrotos). (Kon bonu in bahasa Ibrani sinangoian Gabata.)

MAZMUR 41:10

Nodapot in yobayat inta totok in pinirisayaku, intau inta nongaan noyotakinku, ain noningkuḻe kon inakó.