MAZMUR 51:18 - Alkitab Singog In Mongondow Masa In Tanaa

¹⁸ Iko in doíbí kon kuruban ratáan; aka kuma bo akuoi moposumba in kuruban payongon, yo doíbí Iko intua.

MAZMUR 51:18 Referans Kwoze

MAZMUR 102:16

Kawasa i Tuhan in koondokbí in bangusa mita; bo koḷoḷantud-Nea kobangkaḷ in bayongan in datu,

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

EPESUS 1:5

dá sinantú-Neadon muna, kon pongin i Yesus Kristus, baḻíon-Neadon ki adí-Nea tontaní in kita. Bo tuabí in kinoibog-Nea aidan.

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

TESALONIKA 2 1:11

Tuamai in tantú sambayangan nami in moiko. Umuran poigumon nami sinbá baḻíon i Allah umat-Nea in moiko, umat inta patus mobiag podudui in koibog-Nea; tuabí in mangaḻe in pinogoinían-Nea kon i monimu. Igumon mako tua ki Allah takin kawasa-Nea in mogintompod kon ibog monimu mogaid kon inta mopia, mogintompod doman kon bayongan oaidan inta inaidan monimu pinodoyon kon pirisaya kon i Kristus.

MAZMUR 147:2

Ki Tuhan in mopoguḻitbí in Yerusalem; intau mita inta iḷumbú in diaan-Neabí mobui.

MAZMUR 25:22

O Allah, poḷuatdon in umat-Mu nongkon bayongan inta mokororiga kon inia.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

MIKHA 7:11

Ei Yerusalem! Wakutumudon bui moposindog in dinding mita in kotámu. Kon singgai tatua butámu in dugangandon in kooḷadnea.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.

YEREMIA 51:50

Ki Tuhan in noguman kon intau in Israel kon Babel, “Moiko in noiḷaguidon kon poḻimodan! Dá bayádon in tanaa! Dika mogoḷat! Umpakabí noyayú in moiko nongkon baḷoi, toropdon in Akuoi, Tuhanmu, bo kon Yerusalem.

YESAYA 62:1

Podoyon kon Yerusalem Akuoi in mosingog, podoyon kon Sion Akuoi in diábí tongá kibio-biómai, modapot in sia posaḷamaton bo kountungannea in monindar naonda bo poḷombow kon tungkuḷ in doḷom.

YESAYA 58:12

Kotá inta noonggotdon in nobaḻí rumbunnea in posindogonmudon bui kon tudu in orotan koyongan. Moiko in tangoiondon ‘Bangusa inta moposindogdon bui in dinding mita bo monompia kon baḷoi mita inta ain nogoguyaat.’ ”

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

NEHEMIA 2:17

Táe onda intua noguman in akuoi kon i monia, “Indoiai in kaadaan naton inta moyoyiga tanaa! Yerusalem in dongkadon utag mita bo bonawangnea mita in kinaandon komintan in tuḷú. Koḻigai bá posindogondon bui naton in dinding mita in kotá in Yerusalem sinbá diádon in kita poonagonmai.”

MAZMUR 40:7

Sosumba bo kuruban oḷudon kinodoí-Mubí, kuruban payongon bo kuruban potobut kon dosa diábí in inigum-Mu. Táe inogoian-Mudon in bongoḷan in akuoi inta pokidongog kon singog-Mu.

MIKHA 6:7

Degá mopia in gina i Tuhan aka kita modia poangoi kon i-Nia in ribuan domba andeka mobayong totok in ḷana in zaitun? Musti degá posumba naton kon i-Nia in ki adí naton guya-guyang mobaḻí tontobut in dosa mita naton?