MAZMUR 50:18 - Alkitab Singog In Mongondow Masa In Tanaa

¹⁸ Aka ontongon-Mu in mononakow, dumudui in iko kon inia, bo iko in moyobayat in intau mita inta moibog monuaḻing.

MAZMUR 50:18 Referans Kwoze

TIMOTIUS 1 5:22

Dikabí gumampanganmai in monantú poḷat momarakat kon intau sin baḻíon mogogaid kon oaidan i Tuhan. Bo aka oyúon in intau nogaid kon inta diá mopia yo donaaibí dumayan in iko. Tantúbí ḷukadai in awakmu bá umuran modarit.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

MATIUS 23:30

Takin mosingog nanaa, ‘Aka kami nobiag kon tungkuḷ i ḷaki bo ibaay naton, yo tantú diábí in kami dinumudui kon oaid monia inta moibog moḻimod kon nabi mita tatua.’

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.

YESAYA 5:23

Táe tongá bá mokouḻí kon doit posogó, dá moiko in mopoḷuat kon intau kotaḷá, bo moḷamboi kon intau diá kotaḷá mokouḻí kon inta moadil.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

SAMUEL 2 13:5

Bo ki Yonadab in noguman kon inia, “Mogampangbí intua! Posiugdon mako kon tosiuganmu, bo ki ubo-uboḷmaidon naonda bo notakit. Aka ki amámu mamangoi moindoi kon inimu, pogumandon kon inia, ‘Amá, potabápa mangoi in naa in ki Tamar sinbá ogoianneapa in kaanon in akuoi. Aka mokoontong in akuoi kon inia modungú kon naa, yo mokopongaanbí in akuoi.’ ”