MAZMUR 5:12 - Alkitab Singog In Mongondow Masa In Tanaa

¹² Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 5:12 Referans Kwoze

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

MAZMUR 29:11

Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

MAZMUR 3:3

Nobarong in noguman kon ki Allah in doí motuḷung kon inakó.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.

MAZMUR 68:4

Táe intau motoḷutui in mopia takin moḷunganga in gina, mosia in moronggiow pia in gina kon tayowon i Allah.

MAZMUR 118:15

Indongogaidon in giow kinountungan kon ḷoḷaigan mita in umat-Nea, “Ki Tuhan in nopoontongdon in kotorindog-Nea!

MAZMUR 119:132

Bobuidon in akuoi bo kotabipa kaasí in akuoi, ná kototabi-Mu kon intau inta motabi kon ini-Mu.