MAZMUR 46:9 - Alkitab Singog In Mongondow Masa In Tanaa

⁹ Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

MAZMUR 46:9 Referans Kwoze

YESAYA 2:4

Sia in mohakimbí kon sigad in bangusa mita, bo momontow kon pelekara kon sigad in suku mita in bangusa. Pitow in tontaḷon pomiaan pajeko, bo ginubat aidan roratab. Bangusa mita in diábí mositubuan, diábí domandon mosadia moparang.

MIKHA 5:10

Kotá mita inta oyúon in poḷoḷukadan kon butámu in rimumudon-Ku, bo bayongan in dindingmu umpagon-Ku.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

SAMUEL 1 2:4

Ropot in pahlawan in noputoḷdon, táe modugangdon moropot in intau inta moyangkó.

YOSUA 11:9

Ki Yosua in nopoaid intua kon i monia pinodudui kon onu inta pinarenta i Tuhan: pinengkoḷannea in kabaḷo monia, bo nonurub kon kereta mita in parang monia.

YEHEZKIEL 39:3

Kon tua pangkáan-Ku in puḷu in piotnea modapot in moḷabú kon ḻima koḷoiginea, bo tontakon-Ku in piotnea mita nongkon ḻima koḷanannea.

YOSUA 11:6

Ki Tuhan noguman kon i Yosua, “Dika moondok kon i monia. Ikoḷom kon oras ná tanaa, mosia tua in komintandon ḻimodon-Ku sin motuḷung kon Israel. Kabaḷo monia in musti pengkoḷanmu, bo kereta mita in parang monia in musti turubon mu.”

MAZMUR 66:5

Angoidon bo indoiaidon in aid i Allah, totuu mokotongaw in bayongan inta inaidan-Nea kon sigad in intau!

YESAYA 10:23

Oo, sinangkub in butá in rimumudonbí i Tuhan Inta Totok in mokawasa; tuata in simpod in singog i Tuhan, bo diábí in motaau baḷuian bui.