MAZMUR 44:18 - Alkitab Singog In Mongondow Masa In Tanaa

¹⁸ Tua komintan ain noiantug kon inami umpaka diá in kami nokoḻiong kon ini-Mu andeka nonoḻikud kon dodandian-Mu bo inami.

MAZMUR 44:18 Referans Kwoze

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

MAZMUR 119:157

Nobayong in intau in nosaturu bo nondudur kon inakó, táe diábí sinaḷáanku in parenta-Mu.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

MAZMUR 78:57

Mosia in nonoḻikud ná muna monik monia, bo diá motaau pirisayaan naonda bo puḷu in piot inta nobelung.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

LUKAS 17:32

Toropdon onu inta ain nobaḻí kon i buḷoi Lot!

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

AYUB 34:27

Sin, mosia in diá dinumudui kon ibog-Nea bo diá mokidongog kon parenta-Nea mita.

DATU MITA IMITÁNEA 15:5

Tua inaidan i Tuhan sin ki Daud in noposanangdon in gina-Nea. Ki Daud in diábí kon dodai onda in nonaḷámai kon parenta mita i Tuhan, koḻikudbí in soaḷ pelekara kon i Uria intau in Het tatua.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.