MAZMUR 41:9 - Alkitab Singog In Mongondow Masa In Tanaa

⁹ Guman monia, “Takitnea in mobogatdon totok, diábí doman inta mobangonpa bui in sia.”

MAZMUR 41:9 Referans Kwoze

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

MATIUS 26:23

Ki Yesus noguman, “Sia inta noyododai-Ku nopoḷodok in roti kon bonu in palo tanaa, sia tua inta moposarakan kon i-Nakó.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.

OBAJA 1:7

Iko in inakaḷan in intau mita inta noyopopogmumai, bo inuntun nongkon butámu. Iko in sinaḷow in yobayatmu mita, pinotobok in intau mita inta nongaan noyotakinmu. Mosia in mopoḻibo-ḻibómai kon soaḷ iko, ‘Kon onda degá in bayongan in kopopandoinea?’

MIKHA 7:5

Dikadon mopirisaya kon topodiugmumai, dikadon umandoḷ kon yobayat. Mokopoingatdon in mosingog umpakabí ki buḷoimu tontaní in mokodongog.

SAMUEL 2 15:12

Bo koyogot in ki Absalom noposumba in kuruban, sia in nopotabá doman in totabá kon kotá in Gilo sin mogoiní kon i Ahitopel, inta monononggina tobatú i Datu Daud. Natuata in komplotan moḷawang kon i datu tatua kodugang-kodugangdon in koropotnea, bo kodugang-kodugang domandon in kobayong in dumodudui i Absalom.

AYUB 19:13

Ginaḷum bo utatku pinoyayú-Nea kon inakó; akuoi in naonda bo intau ango-angoi kon bayongan in intau inta nogogintaauanku.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

MAZMUR 101:3

aid moraat in diábí pomayáku mako. Kodoí-Kubí in dodia in intau inta nomaḻidawan, bo doíbí in akuoi mopandungmai kon i monia.