MAZMUR 41:10 - Alkitab Singog In Mongondow Masa In Tanaa

¹⁰ Nodapot in yobayat inta totok in pinirisayaku, intau inta nongaan noyotakinku, ain noningkuḻe kon inakó.

MAZMUR 41:10 Referans Kwoze

LUKAS 19:27

Bo tanaa mako in tokodiadon mangoi in intau mita inta mongosakí in gina kon i nakó bo inta doí aka akuoi in mobaḻí datu kon i monia. Ḻimod in mosia kon tayowonku!’ ”

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

MAZMUR 3:3

Nobarong in noguman kon ki Allah in doí motuḷung kon inakó.

SAMUEL 2 15:12

Bo koyogot in ki Absalom noposumba in kuruban, sia in nopotabá doman in totabá kon kotá in Gilo sin mogoiní kon i Ahitopel, inta monononggina tobatú i Datu Daud. Natuata in komplotan moḷawang kon i datu tatua kodugang-kodugangdon in koropotnea, bo kodugang-kodugang domandon in kobayong in dumodudui i Absalom.

AYUB 19:19

Mokoontong kon inakó yobayatku modagin morongó; akuoi sinaḷáan monia inta kinotabiku.

MAZMUR 55:13

Aka kuma bo musung in mongempeng kon inakó, yo mokotahangpabí in akuoi. Aka kuma bo saturu inta moningkuḻe kon inakó, yo motaaupabí in akuoi mogadop kon inia.

MAZMUR 55:14

Táe Ikobí, takinku, yobayatku, yobayat modaginku inta nonoḻikud kon inakó.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

OBAJA 1:7

Iko in inakaḷan in intau mita inta noyopopogmumai, bo inuntun nongkon butámu. Iko in sinaḷow in yobayatmu mita, pinotobok in intau mita inta nongaan noyotakinmu. Mosia in mopoḻibo-ḻibómai kon soaḷ iko, ‘Kon onda degá in bayongan in kopopandoinea?’