MAZMUR 40:17 - Alkitab Singog In Mongondow Masa In Tanaa

¹⁷ Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 40:17 Referans Kwoze

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

YESAYA 41:17

Aka bangusaku inta noiḷaḻe tua motayak kon tubig, bo sigogow monia in moingkag popisí in morogang, dá Akuoi, ki Tuhan, in motubagbí kon sambayang monia; Allah in Israel in diábí monaḷámai kon umat-Nea.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.

MAZMUR 54:4

Indongogaidon in oigumku, o Allah, indongogaipa kaasí in tosingogonku mita.

MAZMUR 40:5

Pia in kamang in intau inta mopirisaya kon i Tuhan, inta diá dinumudui nosumba kon dewa mita, andeka nopoigum in totuḷung kon intau mita mongoḷoḷatú.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

MAZMUR 86:1

Sambayang i Daud. Indongogaipa in sambayangku, o Tuhan, bo tubagaipa in akuoi, sin akuoi nobogá bo moyangkó.

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”