MAZMUR 40:16 - Alkitab Singog In Mongondow Masa In Tanaa

¹⁶ Biódon mako in intau inta kinumosing kon inakó moitaḻikokog bo mooyá.

MAZMUR 40:16 Referans Kwoze

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

MAZMUR 119:123

Mataku in mopomporí in mogoḷat mako kon totuḷung-Mu inta mokosaḷamat, inoḷatku mako in popoḷuatan inta pinodandi-Mu.

MAZMUR 105:3

Siabí in ki Tuhan Inta Totok in motusi; pokosanangdon sin kita Sia in kitogi, komintan inta mosumba yo igumon mako mokopoḷunganga.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

YEHEZKIEL 26:2

“Ei intau inta ilo-ilow, intau in Tirus ain nonggoḷokap poḷat moguman, ‘Yerusalem in norimumudon! Ropotnea kon podagangan noinggamádon! Diádon in sia nobaḻí saingan naton!’ ”