MAZMUR 4:4 - Alkitab Singog In Mongondow Masa In Tanaa

⁴ Pokotaaudon, ki Tuhan ain nomiḻí kon i-Nia tontaní tobatú intau inta kinotabi-Nea. Ki Tuhan in mokidongogbí aka mokuani in akuoi kon i-Nia.

MAZMUR 4:4 Referans Kwoze

EPESUS 4:26

Aka moiko bo tumorú, yo mokopopia sinbá diá baradosaan popisí in torúmu tatua. Dika tumorú tumongo singgai tua,

MAZMUR 77:6

Iraiku kon singgai mita inta ain kinotaḻiban, toro-toroponku bo tano-tanobonku in taong mita inta ain kinotaḻiban.

AMSAL 3:7

Dikabí kainimu kon iko in mopando-pandoi nongkon inta sabanarnea; pokotoindudui kon i Tuhan bo pokopoyayú kon inta moraat.

MAZMUR 63:6

Dayowonku in Iko takin giow pia in gina, sin Iko in mopoorop in dimukudku naonda bo kaanon inta mopia in nanamnea.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

KORINTUS 2 13:5

Tungkuḷaika uji in pirisaya monimu mongo totu-totuudon noidoyon kon pirisaya kon i Kristus! Taridiai kopia! Degá moiko in diápabí mopirisaya totok kon ki Kristus Yesus in oyúondon kon bonu in gina monimu! – sin aka diá natua yo moiko in diápabí monahang kon totungkuḷ.

MAZMUR 33:8

Biódon mako sinangkub in butá motoguondok kon i Tuhan bo intau mita kon dunia mohoromat kon i-Nia.

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

HABAKUK 2:20

Ki Tuhan in kon bonu in Baḷoi-Nea inta motusi; maníka bayongan in intau kon dunia naa in kibio-biómai kon tayowon-Nea.

AMSAL 16:17

Intau mopia yumayúbí kon inta moraat; intau inta monaridi kon kobobiagnea, moḷukad kon awaknea.

MAZMUR 119:161

Intau mita inta kokawasa nondudur kon inakó takin diábí in kinodoyonannea, táe tongábí hukum-Mu in koondokku.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 2:11

Pogundoidon kon i Tuhan takin mopirisaya,

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

MAZMUR 3:2

O Tuhan, totuu mobarong in musungku, totuu mobarong in monubu kon inakó!

MAZMUR 17:6

Akuoi in nokuani kon ini-Mu, o Allah, sin Iko in notubag kon inakó; taridiaipa kaasí in akuoi bo indongogaidon in singogku mita.