MAZMUR 38:22 - Alkitab Singog In Mongondow Masa In Tanaa

²² O Tuhan, dika taḷaanmai in akuoi, dika yumayú kon inakó, o Allahku.

MAZMUR 38:22 Referans Kwoze

MAZMUR 40:13

Akuoi in kinopung in bodito inta mobayong, kobayongnea in diádon koiyapan. Akuoi in inaḷo-aḷowan mako in dosaku nodapot in akuoi diádon mokoontong. Kobayongnea in noiḻiu kon kobayong in buok kon uḷuku, nodapot in akuoi kinobuḻian in kamang.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

MAZMUR 71:12

Dika in Iko yumayú kon inakó, o Allah, Allahku, ḷagidon tuḷungai in akuoi.

MAZMUR 70:5

Igumon mako bayongan in intau inta nosumba kon ini-Mu moḷunganga bo mopia in gina; bo bayongan in intau inta moibog in kasaḷamatan nongkon ini-Mu umuran moguman, “Totuubí kon moḷantudbí in ki Tuhan!”

MAZMUR 62:6

Noodom in ginaku mogoḷat mako kon i Allah, tongábí nongkon i-Nia in kasaḷamatanku.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 141:1

Mazmur i Daud. Akuoi in mokuani kon ini-Mu, o Tuhan, ḷagidon tuḷungai kaasí in akuoi! Indongogaipa kaasí in akuoi aka mokuani kon ini-Mu.

MAZMUR 70:1

Kon i itoi in mododondong. Nongkon i Daud, kon tungkuḷ in moposumba in kuruban tompoingat.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 22:12

Dikabí yumayú, sin anib in nodiugdon, bo diá in motuḷung.