MAZMUR 37:30 - Alkitab Singog In Mongondow Masa In Tanaa

³⁰ Intau mopia mosingog takin bijaksana, sia in umuranbí motuḻid kon bonu in singognea.

MAZMUR 37:30 Referans Kwoze

KOLOSE 4:6

Ramujidon sinbá onu in singogonmu tantú mokosanang bo koibog in intau. Bo musti kotaauan monimu naonda in pototubag kon onu in ḻibo-ḻibóon mita in intau.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

AMSAL 15:7

Tosingogon mita in intau mobijaksana nopuḻing in sinotaau, táe raian in intau bodok in diábí natua.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

AMSAL 10:21

Tosingogon in intau inta mopia, in mobaḻí barakat kon intau mobayong; kobobodok in intau bodok in moḻimodbí kon inia tontaní.

AMSAL 10:31

Intau motuḻid in gina mopoyaput in tosingogon inta mobijaksana; intau moraat in pinomponan in bibignea.

MAZMUR 71:15

Kinoouput in singgai oumanonkubí in oaidan-Mu mita inta moadil, bo kasaḷamatan nongkon ini-Mu inta diá koiapan.

AMSAL 27:9

Ná doman ḷana mobondu bo inta bo mongobondu ibanea mako mokosanang kon gina, natua doman in kopopia in yobayat mokoonow kon gina.

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

AMSAL 10:20

Tosingogon in intau mopia naonda bo saḷaka taakan; raian in intau moraat diá in mangaḻenea.