MAZMUR 37:23 - Alkitab Singog In Mongondow Masa In Tanaa

²³ Ki Tuhan in motundú kon daḷan in intau inta kobobiagnea mokosanang kon i-Nia;

MAZMUR 37:23 Referans Kwoze

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

MAZMUR 119:133

Irigonaidon in ḷampangku podudui in dandi-Mu, dikabí pomayá mako kaasí in akuoi in kawasaan in moraat.

AMSAL 4:26

Raipa muna kopia baintua bo mogaid, dá kodapotanmubí in bayongan totayakmu.

MAZMUR 40:2

Nosabarbí in akuoi in nogoḷat mako kon totuḷung i Tuhan; bo sinaridian-Nea in akuoi bo nokidongog kon kuaniku.

MAZMUR 121:8

Sia in moḷukad kon inimu kon tungkuḷ in iko mamangoi bo mayá, tanaa mako modapot in mononoi.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.

MAZMUR 85:13

Ki Tuhan in mobogoi kon inta mopia, dá butá naton in mobogoibí in bungainea.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

MAZMUR 121:3

Sia in diábí mopomayá mako kon inimu moḷabú, moḷoḷukadmu in umuranbí moḷukad mako.

MAZMUR 17:5

Akuoi in umuranbí nobiag podudui in totundú-Mu bo diábí sinumabat nongkon totundú-Nea.

YEREMIA 9:24

Ki ine in moibog mopoyunggaga in onuka, yo mustibí moyunggagá sin sia in nonotaaudon bo nomangaḻedon kon i-Nakó; bo kinotaauanneadon kon tabi-Ku modapot in mononoi bo Akuoi in moposindogbí in hukum bo inta moadil kon dunia. Tua komintan in mokosanangbí kon gina-Ku. Akuoi, ki Tuhan, inta ain noguman kon tua.”

MAZMUR 119:5

Igumon mako akuoi takin gina moroton dumudui kon atorang-Mu mita.

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

AMSAL 11:20

Ki Tuhan in doíbí kon intau inta gina moraat, táe Sia in motabibí kon intau inta nobiag diá in bogit.

SAMUEL 1 29:10

Manangka intua Daud, ikoḷom in moiko komintan inta ain nonaḷámai kon i Saul bo namangoi kon inakó, musti mobangon doḷo-doḷom bo ḷagi mobuat naonda in momuká in mata in singgai.”

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.