MAZMUR 37:22 - Alkitab Singog In Mongondow Masa In Tanaa

²² Intau inta binarakatan i Tuhan in motarimabí kon butá tatua, táe intau inta kinutuk-Nea in untunon-Neabí.

MAZMUR 37:22 Referans Kwoze

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

MAZMUR 37:9

Sin intau inta mogaid kon moraat in inggamáanbí, táe inta nongamang mako kon i Tuhan in motarimabí kon butá tatua.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MAZMUR 128:1

Dondong mayá in Baḷoi Tuhan. Pia in kamang in intau inta motoguondok bo nobiag noidudui kon parenta i Allah.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

MAZMUR 37:18

Ki Tuhan in noḷukad kon kobiagan in intau motoḷutui, kapunyaan budel monia in umuranbí mononoi.

MAZMUR 37:11

Intau inta moompá in dodia in motarimabí kon butá tatua, bo mokouḻíbí kon kobiagan motompia totok.

MAZMUR 32:1

Mazmur i Daud. Dondong totundú. Pia in kamang in intau inta dosanea in pinopatan, bo taḷánea in inampungan.

AYUB 5:3

Nokoimontandon inontongku in intau bodok; kobiagannea koontongan moroton totok. Táe nodaḻídon kinutukku in pinogutunannea.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

MAZMUR 25:13

Mosia in umuranbí mobiag mooyúon, adí bo ompu monia in mogabatbí kon butá budel.

YESAYA 57:13

Aka moiko momaḷú, yo biódon mako in patong mita tatua in moposaḷamat kon i monimu! Mosia in mobuḻibí poḷayugon in tompot bo moinggamá tongá tokokiap monag! Táe intau inta moniung kon i-Nakó in mogabatbí kon butá tatua bo mosumba kon i-Nakó kon Baḷoi-Ku.”