MAZMUR 37:16 - Alkitab Singog In Mongondow Masa In Tanaa

¹⁶ Moyakagkabí in nouḻí in intau mopia tuabí in mopia-pia nongkon kapunyaan mobayong in intau moraat.

MAZMUR 37:16 Referans Kwoze

AMSAL 16:8

Maníka moyakag in mouḻí táe noidoyon kon gina motuḻid, dika in mobayong in mouḻí táe pinongin aid motombogá.

TIMOTIUS 1 6:6

Totuubí kon agama tua in mobogoibí in kauntungan moḷoben, aka intau tatua in umuran moorop in onu inta oyúon kon inia.

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

AMSAL 3:33

Ki Tuhan in mongutuk kon baḷoi in intau moraat, táe momarakatbí kon baḷoi in intau inta motoindudui kon i-Nia.

MATIUS 6:11

Ogoiaidon kaanon in kami in singgai naa, inta tugat kon inami.

MOHOHUTUBA 4:6

Degá totuu intua, táe maníka bo moyakag in kapunyaan takin gina mosanang bo dika in simiḷopí totok in mopogaid in ḻima doyowa nosimpaḷ bo modomok kon tompot.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”