MAZMUR 36:4 - Alkitab Singog In Mongondow Masa In Tanaa

⁴ Tosingogonnea mita in moraat bo nopuḻing in tompobaḻik, sia in diá bidon mogaid kon inta mopia bo mobijaksana.

MAZMUR 36:4 Referans Kwoze

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

YESAYA 65:2

Akuoi in umuranbí mogoḷat mako in motomu kon umat-Ku, táe mosia in moibog momarontak. Bangusa tatua in mogaid kon inta moraat bo dumudui kon tomayánea tontaní.

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

MAZMUR 97:10

Ei moiko inta moibog kon i Tuhan, kodoídon in inta moraat! Sin ki Tuhan in noḷukad kon kobiagan in umat-Nea, Sia in nopoḷuat kon i monia nongkon kawasa in intau inta diá mopirisaya.

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

OUMAN IN RASUL MITA 23:12

Doḷo-doḷom nobangon monik, intau mita in Yahudi nomangkoidon nosipun kon intau. Bo mosia in nongibot kon diápabí mopongaa-ngaan andeka moponginu-nginum aka ki Paulus in diápa koḻimodan monia.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

AMSAL 24:23

Intau inta moarip nokoimontandon in noguman nanaa: Hakim in diábí motaau in mobogat kon toḷosi.

MAZMUR 52:3

Ei intau moropot, nongonu sin iko in mopoḷoḷatúbí in aidmu moraat kon intau inta kinotabi i Allah?

MAZMUR 38:12

Yobayatku mita yumayú popisí in panyakiku, nodapot in ginaḷum bo utatku yumayú kon inakó.

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

ESTER 6:4

Bo ki datu in noguman, “Ki ine in pogawaiku kon komaḻig in tanaa mako?” Noikoḷatbí in ki Haman bagupa sinumuot kon palas in komaḻig; sia in mamangoi mopoigum kon i datu sinbá ki Mordekhai in popobambédon kon oigi inta ain pinosindog tatua.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

SAMUEL 1 19:11

Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”

AMSAL 24:2

Mosia in tongábí morai kon inta moraat bo tongá mongonguman kon onu inta mokobodito.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”