MAZMUR 36:1 - Alkitab Singog In Mongondow Masa In Tanaa

¹ Kon i itoi in mododondong. Nongkon i Daud, mogogundoi i Tuhan.

MAZMUR 36:1 Referans Kwoze

SURAT I PAULUS KON JAMAAT RUM 3:18

bo mosia in diábí motoguondok kon i Allah.”

AMSAL 16:6

Intau inta tumoḷutui kon i Allah in ampunganbí; intau inta mopirisaya in moisimparutbí kon bayongan inta moraat.

MAZMUR 18:1

Kon i itoi in Koor. Mazmur i Daud, mogogundoi i Tuhan. Pinodondong kon i Tuhan kon tungkuḷ in ki Daud pinosaḷamat nongkon i Saul bo musungnea mita.

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

TITUS 1:1

Titus adíku! Akuoi, ki Paulus in nomais kon surat tanaa saḷaku mogogaid kon oaidan i Allah bo rasul i Yesus Kristus. Akuoi in piniḻí bo pinotabá sinbá motuḷung kon intau mita inta ain piniḻí i Allah sinbá umuran morigon in pirisaya monia kon i Tuhan Yesus. Bo mustibí umuranku tundúon in mosia sinbá totokdon in monotaau kon onu inta moitutui podudui in agama naton.

TIMOTIUS 2 2:24

Intau inta nogaid kon oaidan i Tuhan in diábí mopia aka moyogenggeng. Mustibí mokopoaḷus kon pososingog bo mokopoompá kon dodia kon tumpaḷa intau, bo kopira doman in motundú kon intau bo mosabar.

MOHOHUTUBA 12:13

Naonda intua komintan irai-raikumai, naa in imbuit in tosingogon inta nouḻíku. Kotoguondok kon i Allah bo duduiai in bayongan parenta-Nea, sin tuabí in mangaḻe pinomaḻían-Nea kon intau.

AMSAL 20:11

Nongkon oaid in adí yo kotaauan bidon mongo dodianea mopia bo motuḻid.

AMSAL 8:13

Mohoromat kon i Tuhan tua in mangaḻenea in mondoí kon inta moraat; akuoi in doíbí kon aid moḷoḷatú bo mododia. Kodoíkubí in dodia inta moraat bo tosingogon mita inta monguboḷ.

MAZMUR 143:12

Podoyon kon tabi-Mu yompatdon in bayongan musungku, yopúdon in bayongan inta monondorot kon inakó, sin akuoi in mogogundoi-Mu.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 90:1

Sambayang i Musa, mogogundoi i Allah. O Tuhan, Ikobí in pononiungan nami modapot kon adí bo ompu.

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

KINOBAḺIAN 20:11

Ki Abraham in notubag, “Kon bonu in raianku, kon naa in diádon in intau inta motoguondok kon i Allah, dapot in akuoi patoiondon in intau inta moibog kon i buḷoiku.

SAMUEL 1 18:22

Bo nopotabá in sia kon pogawainea mopotaau intua kon i Daud takin umuni-uni, nanaa, “Ki Tuang Datu motabi kon inimu bo natua doman in bayongan in pogawainea; dá naadon in wakutunea inta mopia kon inimu mononibuḷoi kon i adínea.”