MAZMUR 35:25 - Alkitab Singog In Mongondow Masa In Tanaa

²⁵ Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

MAZMUR 35:25 Referans Kwoze

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

MAZMUR 124:3

dá kita in iḻiom bidon ande sibiag, popisí in torú monia inta tumaga-tagabdon tua.

KORINTUS 1 15:54

Aka awak inta mato-matoi naa binaḷuiandon in awak inta diá mato-matoi, bo awak inta nongkon dunia naa baḷuiandon in awak inta nongkon soroga, dá kon wakutu in tatuatadon bo mobaḻí in onu inta pinais kon bonu in Buk Motusi nanaa, “Popatoi ain sinaḷow, kauntungan in nouḻídon!”

MARKUS 2:8

Táe kon dodaipa doman in tuata kinotaauan i Yesus in raian monia. Dá Sia in noguman, “Nongonu sin moiko in moraibí natua kon bonu in ginamu?

MARKUS 2:6

Táe tongonumai in mototundú mita kon agama in Yahudi nomangkoidon nongunsingog kon bonu in gina, kai monia,

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

MAZMUR 140:8

Tuhan, Allahku, mopoposaḷamatku inta moropot, Iko in nogoḻingoidon kon inakó kon bonu in parang.

MAZMUR 74:8

Mosia in moibogbí mopotungkud kon inami komintan, bo moturub komintan kon tampat pooibadaan kon butá tanaa.

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.

MAZMUR 27:12

Dikabí ogoi in akuoi kon ibog in musungku, inta nonubu kon inakó pinongin uboḷ bo gogondok.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

SAMUEL 2 20:19

Kotá nami Abel naa in moḷoben, tongobatú kotá inta nobiag notompia bo mosatia kon butá in Israel. Nongonu sin ḷongasionbí poguyaaton i Tuang? Moibog degá in ki Tuang momoguyaat kon butá kapunyaan i Tuhan?”

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

MAZMUR 70:3

Biódon mako in intau inta moibog moḻimod kon inakó taḷowon bo moḷagui posibayá. Biódon mako in intau inta nonggiow kon rorigaku bongkugon bo singkuḻeon.