MAZMUR 35:15 - Alkitab Singog In Mongondow Masa In Tanaa

¹⁵ Táe kon tungkuḷ in akuoi nosusa, nopia in gina monia, bo nosipun sin monayow kon inakó. Mosia in mayá moposedo-sedo sin moningkuḻe kon inakó.

MAZMUR 35:15 Referans Kwoze

MARKUS 14:65

Bo tongonumai intau nomangkoidon nonduyá kon i Yesus. Pinomponan monia i mata-Nea bo binongkug, nopaḷut mako bo moḻibó, “Pogumanka, ki ine in nomongkug kon ini-Mu?” Tontara mita moḷoḷukad nonokap doman kon i-Nia.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

KORINTUS 1 13:6

Diábí mopia in ginanea aka intau mogaid kon inta moraat, sin koibognea in tongábí inta mopia.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

AMSAL 17:5

Ki ine in moningkuḻe kon intau bogá yo mopoompábímai kon i Allah inta nomaḻí kon inia. Ki ine in mosanang in gina kon koboditoan in intau, yo notantúbí kon mokouḻí kon hukuman.

MAZMUR 69:12

Akuoi in nopogidaing in karong nobaḻí tomponuot nonogumatoi, táe sinigid monia in akuoi.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

MAZMUR 41:8

Bayongan inta doí kon inakó moyogombong; mosia in mongonguman kon inta totok in diá mopia soaḷ akuoi.

MAZMUR 38:17

Dika pomayá mako in musungku ḷumunganga in gina in mokoontong kon kasusahanku, dika pomayá mako in mosia in dumodia in mokoontong kon inakó mourot.

MAZMUR 35:8

Biódon mako in mosia koantugan in bodito inta diá binutu-butunganmai. Biódon mako in mosia moibonu bui kon poyogaḷap monia tontaní bo moḷabú poḷat moyopú.

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

AYUB 31:29

Diápa kon dodai in onda in nopia in ginaku popisí in musungku nororiga, andeka noḷunganga in gina popisí in nobodito in sia.

AYUB 16:9

Pinongin torú ki Allah in nomera-merak kon awakku; takin noyaat totok in gina inimindoi in Sia kon inakó.