MAZMUR 34:22 - Alkitab Singog In Mongondow Masa In Tanaa

²² Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 34:22 Referans Kwoze

MAZMUR 103:4

Sia inta nopoḷuat kon nyawamu nongkon poḷoḷobongan, inta takin tabi nobogoi kon inimu bo nonotabi.

MAZMUR 71:23

Akuoi in monggiow takin pia in gina, sindaḷan mopodondong in dodayow kon ini-Mu. Dimukud bo awakku modondong takin pia, sin Iko in noposaḷamatdon kon inakó.

SAMUEL 2 4:9

Táe ki Daud in notubag, “Ki Tuhan inta nobiag, inta ain noposaḷamat kon inakó nongkon bayongan inta mokobodito, nonotaaubí kon onu inta singogonku naa in totuubí.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

MAZMUR 31:5

Poḷuatdon in akuoi nongkon potait inta sinaan kon inakó, sin Ikobí in pogogadopanku.

MAZMUR 130:8

Sia in mopoḷuatbí kon i naton nongkon bayongan in taḷá naton.

DATU MITA IMITÁNEA 1:29

Bo ki tuang datu in noguman kon inia, “Totuu kon akuoi in nodandidon kon inimu, pinodoyon kon tangoi i Tuhan, Allah in Israel, kon ki Salomo adímu ḷoḷaki in momaḷui kon inakó mobaḻí datu. Tanaa modandidon in akuoi kon inimu podoyon kon tangoi i Tuhan inta nobiag, inta ain nopoḷuat kon inakó nongkon bayongan in rorigaku, kon singgai naa doman intompodankudon in dandiku kon inimu.”

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

OMBAḶ 3:58

Iko in namangoi noḷongasi noduḷu kon pelekaraku, o Tuhan, nyawaku in pinosaḷamat-Mudon.

MAZMUR 37:12

Intau moraat in monomayábí kon inta moraat kon intau mopia, bo mobobui kon inia takin yaat in gina.

MAZMUR 37:15

Táe intau moraat in kotumbukanbí in kedangnea tontaní, puḷu in piot monia in putoḷonbí.