MAZMUR 33:9 - Alkitab Singog In Mongondow Masa In Tanaa

⁹ Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

MAZMUR 33:9 Referans Kwoze

KINOBAḺIAN 1:3

Ki Allah in noguman, “Kobaḻí in bayag!” Bo nobaḻí domandon in bayag.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

WAHYU 4:11

“O Tuhan, o Allah nami! Tongábí Iko in patus motarima kon dodayow, horomat bo kawasa. Sin Ikobí in nogaid kon bayongan in yagi-yagi, bo lantaranbí doman ibog-Mu dá bayongan in yagi-yagi tua ain nobaḻí bo nobiag.”

IBRANI 11:3

Lantaranbí oyúon in pirisaya, dá kinotaauandon naton kon dunia naa in binaḻíbí i Allah takin singog-Nea. Dá onu inta koontongan naton tua, in nobaḻíbí nongkon onu inta diá koontongan tua.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

MAZMUR 93:5

Tuhan, hukum-Mu in mononoi, Baḷoi-Mu in motusi kinoouput in dunia.

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.