MAZMUR 31:6 - Alkitab Singog In Mongondow Masa In Tanaa

⁶ Kon bonu in kawasa-Mu posarakanku in awakku; Iko in mopoḷuat kon inakó, o Tuhan, Allah inta mosatia.

MAZMUR 31:6 Referans Kwoze

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

KORINTUS 1 10:20

Onu in pinosumba kon meja pogogukatan kon sosumba inta inogoi kon berhala, deemanbí pinosumba kon i Allah, táe kon dimukudbí moraat.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

MAZMUR 26:5

Kinodoíku in pinoyosipunan in intau inta mogaid kon moraat, akuoi in yumayú kon inanakan inta moraat.

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

YOHANES 2:8

Onda intua ki Yesus noguman kon i monia, “Tanaa ponayukaika kon topiḻik nongkon tampayang tatua bo dia kon itoi in pesta bo pokinanam.”

MAZMUR 139:2

Kinotaauan-Mu in bayongan in aidku; nongkon noyayú kinomangaḻean-Mu in raianku.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.