MAZMUR 30:4 - Alkitab Singog In Mongondow Masa In Tanaa

⁴ Iko in nopomiḷagui kon inakó nongkon dunia in intau minatoi, bo nomiag bui kon inakó nongkon sigad in intau mita minatoi.

MAZMUR 30:4 Referans Kwoze

MAZMUR 97:12

Pokosanangdon, ei intau mita inta motuḻid in gina popisí in onu inta ain inaidan i Tuhan, bo posukurdon kon i Allah inta motusi.

WAHYU 4:8

Mahaḷuk opat tatua komintan onom in koḻikipnea, kon ḻibunea bo kon dotá in bonunea nopuḻing in mata. Doḷom singgai mahaḷuk mita tatua diá mogoga-gogai in modondong nanaa: “Kudus, kudus, mokudusdon in ki Tuhan, Allah Inta Totok Mokawasa; inta oyúon, inta koyongandon oyúon, bo inta umuranbí oyúon.”

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

MAZMUR 132:9

Igumon mako in umat-Mu monggiow pia in gina, bo imang-Mu mita in umuran mobiag podudui in ibog-Mu.

TAWARIKH 1 16:4

Ki Daud in noduí kon tongonumai in intau in Lewi sin mopobayá in upacara ibada kon i Tuhan, Allah in Israel, kon tayowon i Poti Dodandian tatua, takin dondong bo dodayow.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

MAZMUR 50:5

Guman-Nea, “Sipundon in bayongan in umat-Ku inta ain nomia kon dodandian takin-Ku, bo sinoimpaḷut in kuruban inta iratá.”

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 86:13

Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

MAZMUR 107:20

Sia in nongundam kon i monia pinodoyon kon parenta-Nea, bo nopoḷagui kon i monia nongkon bubú in poḷoḷobongan.