MAZMUR 30:2 - Alkitab Singog In Mongondow Masa In Tanaa

² Akuoi in modayow kon ini-Mu, o Tuhan, sin Iko in noposaḷamatdon kon inakó bo diá nopomayá mako kon musungku nonggoḷokap kon inakó.

MAZMUR 30:2 Referans Kwoze

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

MAZMUR 6:2

Tuhan, donaaidon kaasí mosambok kon inakó podoyon kon torú-Mu, donaaidon mohukum kon inakó podoyon kon yaat in gina-Mu.

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

MAZMUR 88:13

Oyúon degá in nonotaau kon inta mokoherang inaidan-Mu kon bonu in sindip, andeka kopopia-Mu kon butá inta intau mita iḻiong?

KINOBAḺIAN 20:17

Binaḻí komintan i Tuhan bantó in bayongan bobay kon komaḻig i Abimelek pinopisí inta nobaḻí tatua kon i Sara, ki buḷoi i Abraham tatua. Bo ki Abraham in nosambayang kon i Allah, bo ki Allah nongundam bui kon i Abimelek, ki buḷoinea bo bobantungnea mita bobay, dá bobay mita tatua buidon nononggadí.

MAZMUR 51:8

Iko in monuntut kon kototuḻid in gina; pogonúaidon in ginaku in hikmat-Mu.

MAZMUR 118:18

Ki Tuhan in totokdon in nopororiga kon inakó, táe diábí in akuoi inogoi-Nea kon popatoi.

MAZMUR 35:24

Duḷuaidon in akuoi, sin Iko in moadil, o Tuhan Allahku, dikabí pomayá mako in musungku monggiow kon inakó.

MAZMUR 41:12

Aka akuoi diá taḷowon in musungku, yo kotaauankudon kon Iko in moibog kon inakó.

MAZMUR 145:1

Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.