MAZMUR 30:1 - Alkitab Singog In Mongondow Masa In Tanaa

¹ Mazmur i Daud. Dondong pongimpaḷutan kon baḷoi i Allah.

MAZMUR 30:1 Referans Kwoze

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 35:19

Dikabí pomayá mako in akuoi in poyambáan in intau inta nondoí kon inakó takin diá in popisínea. Dika pomayá mako in akuoi in giowan in intau inta nondoí kon inakó takin diá in kinodoyonan.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

MAZMUR 140:8

Tuhan, Allahku, mopoposaḷamatku inta moropot, Iko in nogoḻingoidon kon inakó kon bonu in parang.

MAZMUR 13:4

Indoiaidon in akuoi, kaasí o Tuhan Allahku, tubagaipa kaasí in sambayangku. Poguḻídon in ropotku, bo dikadon pomayá mako in akuoi matoi.

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

MAZMUR 145:1

Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.

MAZMUR 79:10

Dika pomayá mako in bangusa ibanea in moḻibó soaḷ kami, “Kon onda in ki Allah monia?” Biódon mako in kami in mokoontong kon potuḻían kon bangusa mita inta noḻimod kon mogogundoi-Mu mita.

MAZMUR 41:11

Kotabipa kaasí in akuoi, o Tuhan, undamaipa in akuoi, sinbá akuoi motaau motuḻí kon aid moraat in saturuku mita.

MAZMUR 28:9

Posaḷamatdon in umat-Mu, o Tuhan, barakataidon in intau-Mu mita. Kobaḻídon naonda bo gombala kon i monia, bo ḷukadaidon in mosia modapot in mononoi.

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

TAWARIKH 1 21:6

Táe suku in Lewi bo suku in Benyamin in diábí pinoyoiap kon tua. Ki Yoab in diábí nogiap kon i monia sin doí in sia mopobayá in parenta i datu tua.

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

ULANGAN 20:5

Onda intua porwira mita musti mopotaau in tosingogon mita tanaa kon inimu, ‘Oyúon degá in kon sigad monimu in intau inta bagu noposindog in baḷoi, táe diápa nomia kon upacara kinoḷapatannea? Aka oyúon, yo motaaubí in sia mobui. Sin aka sia koḻimodan kon parang, dá intau ibaneadon in mogutun kon baḷoinea.

MAZMUR 79:4

Kami in tororebeg mako in bangusa mita topodiugmai, kinosingan monia bo siningkuḻe monia in kami.

MAZMUR 66:17

Akuoi in nokuanidon nokituḷung kon i-Nia; tanaa in pododondongku in dondong dodayow kon i-Nia.

SAMUEL 2 20:3

Naonda in ki Daud noyaput kon komaḻignea kon Yerusalem, bobay mopuḷú inta diá inika i datu inta sinaḷáan sin moḷukad kon komaḻig, pinoutunnea kon bonu in baḷoi inta iḷukadan in moḷoḷukad. Onu in pakéon monia sia in nopooyúon, táe diádon in ki Daud kon dodai in onda in nosiug takin i monia. Mosia tua in pinopoyayúdon bo kobiagan monia in naonda bo dongkadon boba-bobay nodapot in minatoi.

DATU MITA IMITÁNEA 8:63

Inogoi nobaḻí kuruban dodamean, ki Salomo in noposumba in 22.000 in sapi bo 120.000 in domba. Natuata in ki datu takin bayongan rayat nomia kon upacara pinonoguḷapatan kon baḷoi i Tuhan.