MAZMUR 3:5 - Alkitab Singog In Mongondow Masa In Tanaa

⁵ Akuoi in nokuani kon i Tuhan; bo nongkon buḷud-Nea inta motusi Sia in notubag kon inakó.

MAZMUR 3:5 Referans Kwoze

MAZMUR 4:8

Binaḻí-Mu in gina-Ku nodugang noḷunganga noiḻiu kon ḷunganga in intau inta nokouḻí kon bungai in boyó mobarong.

AMSAL 3:24

Iko in mayá mosiug takin diá moondo-ondok, bo moḷoḷotbí in iko kinoouput in doḷom.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

MAZMUR 127:2

Diábí in mangaḻenea in simiḷopí totok in mogaid motayak kon kobiagan, mobangon doḷo-doḷom bo mosiug moonggot kon doḷom; sin ki Tuhan in moposadiabí kon i monia inta kinotabi-Nea, kon tungkuḷ in mosia mosiugpa mako.

AMSAL 14:26

Intau inta motoguondok kon i Tuhan in mobiag mosanang, bo motoḷuadínea in ḷukadan.

MAZMUR 66:9

Sia in noḷukadon kon inami sinbá tantú mobiag, bo diá nopomayá mako kon inami noḷabú.

OUMAN IN RASUL MITA 12:6

Doḷom wakutu in diápa dinia i Herodes in sia kon tayowon intau moantó, ki Petrus in sinokig in rante bo pinoposiug kon sigad in tontara doyowa inta moḷukadmai kon inia. Bo ḷoḻingkop in ponjara tatua iḷukadan doman in tontara mita ibanea.

MAZMUR 34:5

Akuoi in nosambayang kon i Tuhan, bo sinubagan-Nea, bo nopoḷuat kon inakó nongkon bayongan inta mokoondok.