MAZMUR 27:5 - Alkitab Singog In Mongondow Masa In Tanaa

⁵ Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 27:5 Referans Kwoze

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 138:7

Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 40:2

Nosabarbí in akuoi in nogoḷat mako kon totuḷung i Tuhan; bo sinaridian-Nea in akuoi bo nokidongog kon kuaniku.

KOLOSE 3:3

Sin moiko ain minatoi bo kobiaganmu noibuni noyotakin i Kristus inta notobatú i Allah.

MAZMUR 17:8

Ḷukadaidon in akuoi naonda bo batoḷ in mata-Mu, bunidon in akuoi kon bonu in koḻikip-Mu

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

YESAYA 26:20

Tuotdon kon bonu in baḷoimu, ei bangusaku, bo ḻingkopaidon in ngara. Pogadopdon motoyong modapot in torú i Tuhan mooyongdon.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 57:1

Kon i itoi in mododondong. Podudui in dondong: Dika momutú. Mazmur i Daud, kon dodai in sia noḷagui sinumuot kon bonu in angob sin moḷagui kon i Saul.

YESAYA 32:2

Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

MAZMUR 18:33

Sia tua in ki Allah inta nobogoi in ropot kon inakó bo nopoodom kon daḷanku.

MAZMUR 83:3

Indoiaika, musung-Mu norosadiadon, intau mita inta nondoí kon ini-Mu nomarontak.

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

MAZMUR 10:1

Nongonu sin iko in noyayúbí, o Tuhan bo mogadop kon tungkuḷ in kami mororiga?

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

TAWARIKH 2 22:12

Onom notaong koonggotnea in pinobunian kon i Yoas kon Baḷoi Tuhan, bo ki Atalya in nomarenta nobaḻí datu.

MAZMUR 31:21

Iko in nobuni kon i monia kon siungon-Mu nongkon toḻimpaan in intau moraat; Iḷukadan-Mu in mosia kon bonu in kawasa-Mu nongkon inta pinonapud in ḷawang.

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.

MAZMUR 61:3

Noyayú nongkon baḷoi akuoi in mokuani kon ini-Mu, sin akuoi in kinodaitandon in kamang. Iko in mogatodbí kon inakó mayá in pogogadopan inta moaman, tampat inta totuu moḷantud kon inakó;