MAZMUR 27:14 - Alkitab Singog In Mongondow Masa In Tanaa

¹⁴ Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 27:14 Referans Kwoze

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

MAZMUR 31:24

Kotabibí in ki Tuhan, ei bayongan in umat-Nea, Ki Tuhan in moḷukadbí kon intau inta mosatia. Táe intau moḷoḷatú in hukumon-Nea takin diá in ukuran.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.

MAZMUR 130:5

Akuoi in mogoḷat mako kon totuḷung i Tuhan, dandi-Nea in inamangku mako.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

MAZMUR 62:5

Moiko in tongábí niat mopoḷabú kon inia nongkon ḷoḻitúannea inta moḷantud. Moiko in moibog monguboḷ; bibigmu pakéon monimu momarakat, táe kon bonu in gina monimu in mongutukbí.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.

MAZMUR 33:20

Dá kita in moharap kon i Tuhan, Siabí in mototuḷung bo mododuḷu kon inaton.

SURAT I PAULUS KON JAMAAT RUM 8:25

Táe aka kita in moharap mako kon onu inta diá inontong naton, dá mosabarbí in kita mogoḷat.

OMBAḶ 3:26

Dá, biódon mako mogoḷat in kita takin gina moodom modapot in ki Tuhan mamangoi motuḷung;

KORINTUS 1 16:13

Umuran mokopoingat! Sindog kotorindog kon bonu in pirisayamu saḷaku intau Keresten. Mokopobarani bo mokoporopot!

YESAYA 25:9

Kon dodai intua intau in mogumanbí, “Totuubí, Siabí in ki Allah naton; Siabí inta inoḷat mako naton, sinbá kita in posaḷamaton. Totuu, naabí in ki Tuhan; Siabí inta inoḷat mako naton. Tanaaya kita in morogiow mopia in gina, sin Sia in noposaḷamatdon kon inaton.”

MAZMUR 25:21

Poigumon mako kopiaan bo kojojujur moḷukad kon inakó, sin akuoi in mongamang kon ini-Mu.

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

YESAYA 8:17

Ki Tuhan ain nogadop kon buí i Yakub, umat-Nea, táe mopirisayabí in akuoi bo umandoḷ mako kon i-Nia.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

MAZMUR 62:1

Kon i itoi in mododondong. Podudui in: Yedutun. Mazmur i Daud.

MAZMUR 40:1

Kon i itoi in mododondong. Mazmur i Daud.

YESAYA 26:8

Kami in dumudui kon onu inta sinantú-Mu, o Tuhan, bo tantú mogoḷat mako kon ini-Mu; Ikobí in dayowon bo inta tano-tano bo in gina nami.

LUKAS 2:38

Bo kon dodai intua sia in namangoi doman, bo nodayow kon i Allah bo noginsilang kon intau mita inta mogoḷat mako kon wakutu koangoian i Tuhan moposaḷamat kon Yerusalem. Pinogumannea mongo ki ine in Adí tatua.

OUMAN IN RASUL MITA 28:15

Utat mita inta kon Rum aindon nokodongog kon habar kon naonda in kami, dá mosia in namangoi noidapot in Pasar Apius bo Pasanggrahan Tiga sin monontomu kon inami. Naonda in ki Paulus noyodungkuḷ monia, sia in nopoyaput in sukur kon i Allah bo noropotdon bui in ginanea.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.