MAZMUR 27:11 - Alkitab Singog In Mongondow Masa In Tanaa

¹¹ Poontongdon kon inakó onu inta koibog-Mu, o Tuhan, kapitondon in akuoi kon daḷan inta notuḻid, sin musungku in totuu mobayong.

MAZMUR 27:11 Referans Kwoze

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

MAZMUR 86:11

Tundúpa in koibog-Mu kon inakó, o Tuhan, sinbá akuoi in dumudui tumoḷutui; baḻídon in akuoi motoguondok totu-totuu kon ini-Mu.

MAZMUR 26:12

Dá moiḷaguidon in akuoi nongkon bayongan in anib, akuoi in modayow kon i Tuhan kon bonu in poyodungkuḷan in umat-Nea.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

MAZMUR 64:6

Mosia in umuranbí kumadai totok kon niatnea inta moraat, bo mongonguman motaan kon poyogaḷap; kai monia kamai dá diábí in nokoontong.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

MAZMUR 25:9

Ki Tuhan in mokapit kon intau inta moompá in gina, bo motundú kon i monia onu in kinoibog-Nea.

LUKAS 20:20

Mototundú mita kon agama bo imang mita itoi umuran monaridi mako kon i Yesus. Kon tua mosia in nonondan kon tobatú intau inta mayá kon i Yesus bo ki ubo-uboḷmai ná intau mopia. Mosia in nokiḻibó in soaḷ inta inanggap monia motaau kouḻían monia kon taḷá i Yesus, sahingga oyúondon in baḻíon monia dodoyonan podomokan kon i-Nia bo posarakan kon i gubernur.

AMSAL 8:9

Kon inta mopandoi, tosingogonku in totuubí, kon intau moarip, tosingogonku in noitaná.

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

AMSAL 15:19

Intau maḷat umuranbí koantugan in roriga; intau motuḻid in gina diábí moyodungkuḷ in roriga.

MAZMUR 54:5

Sin intau ango-angoi simindog monubu kon inakó, intau moḷoḷatú moibog moḻimod kon inakó, mosia in diábí mopandungmai kon i Allah.

MAZMUR 5:9

O Tuhan, totuubí mobayong in saturuku! Kapitdon in akuoi in mogaid kon onu in kinoibog-Mu, bo poontongdon in daḷan-Mu inta musti bayáanku.

MAZMUR 139:24

Indoiaika mongo oyúon in moraat kon bonu in awakku, bo diádon in akuoi kon daḷan inta mononoi.