MAZMUR 25:4 - Alkitab Singog In Mongondow Masa In Tanaa

⁴ Poontongdon in koibog-Mu kon inakó, o Tuhan, poniatadon onu inta musti aidanku.

MAZMUR 25:4 Referans Kwoze

MAZMUR 86:11

Tundúpa in koibog-Mu kon inakó, o Tuhan, sinbá akuoi in dumudui tumoḷutui; baḻídon in akuoi motoguondok totu-totuu kon ini-Mu.

MAZMUR 27:11

Poontongdon kon inakó onu inta koibog-Mu, o Tuhan, kapitondon in akuoi kon daḷan inta notuḻid, sin musungku in totuu mobayong.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

IḶUAIAN 33:13

Aka natua, dá potaaudon kon inakó onu in tomayá-Mu, Tuhan, sinbá akuoi in motaau mogaid kon oaidan-Mu bo umuran moposanang kon gina-Mu. Torop domandon kon bangusa tanaa ain piniḻí-Mu nobaḻí kapunyaan-Mu.”

MAZMUR 119:27

Tuḷungaidon in akuoi monotaau kon hukum-Mu mita, totundú-Mu inta mokotongaw in umuranku tano-tanobon.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

MAZMUR 5:1

Kon itoi in mododondong. Takin itog in bansí. Mazmur i Daud.

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.