MAZMUR 25:14 - Alkitab Singog In Mongondow Masa In Tanaa

¹⁴ Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 25:14 Referans Kwoze

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

YOHANES 17:6

Pinotaau-Kudon in ki Amá kon bayongan in intau kon dunia naa inta ain inogoi i Amá kon i-Nakó. Ki Amábí in kitogi kon i monia tua, bo ki Amábí doman in nobogoi kon monia tua kon i-Nakó. Mosia in dinumuduidon kon singog i Amá.

ULANGAN 4:13

Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.

YOHANES 14:17

Sia tua in Roho i Allah inta mopoontong in inta nobanar soaḷ ki Allah. Dunia naa in diá mokotarima kon i-Nia, sin mosia in diá nokoontong ande diá nonotaau kon i-Nia. Táe moiko in nonotaaubí kon i-Nia, sin Sia in mogutun moyotakin monimu bo motobatúbí takin i monimu.

AMSAL 3:32

Sin, ki Tuhan in doíbí kon intau inta mogaid kon inta moraat, táe Sia in modaginbí kon intau inta motuḻid in kobobiagnea.

KOLOSE 3:3

Sin moiko ain minatoi bo kobiaganmu noibuni noyotakin i Kristus inta notobatú i Allah.

KINOBAḺIAN 17:13

Pomuḷoi intau in musti toiton, bo tua in mobaḻí tanda kon awak inta moposimantag kon dodandian-Ku tua in mononoi.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.