MAZMUR 25:13 - Alkitab Singog In Mongondow Masa In Tanaa

¹³ Mosia in umuranbí mobiag mooyúon, adí bo ompu monia in mogabatbí kon butá budel.

MAZMUR 25:13 Referans Kwoze

MAZMUR 37:11

Intau inta moompá in dodia in motarimabí kon butá tatua, bo mokouḻíbí kon kobiagan motompia totok.

AMSAL 19:23

Horomatbí in ki Tuhan, dá mosanang in kobiaganmu; mopuasbí in iko bo moiyayú kon bodito.

AMSAL 1:33

Táe intau inta mokidongog kon inakó in koḷukadanbí. Sia in mobiagbí moaman bo diá bidon moondok.”

MATIUS 5:5

Pia in kamang in intau inta moaḷus in oaid bo pososingog sin mosia tua i motarima kon dandi i Allah.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

MAZMUR 37:26

Sia in umuranbí mopoḷuan bo mobogoi, bo ki adínea mita in nobaḻí barakat kon inia.

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MAZMUR 112:2

Ki adí-Nea mita in mongawasabí kon butá tanaa, buí in intau mopia in barakatanbí.

MAZMUR 69:36

Sia in moposaḷamatbí kon Yerusalem bo moposindog bui in kotá mita in Yohuda. Umat i Tuhan in mogutunbí kon tua; butá tatua in mobaḻíbí mosia in kitogi.

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

PILIPI 4:19

Ki Allah inta sinumbaku, mobogoibí in bayongan kaparaḷuanmu podudui in kaoyúonan bo kamuliaan-Nea inta pinoniata kon i Kristus Yesus.

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

ULANGAN 33:12

Bo kon suku i Benyamin sia noguman: “Naadon in suku inta kinotabi i Tuhan. Sia nogoḻiung kon i monia singgai bo doḷom bo nogutun kon sigad monia.”

AMSAL 20:7

Adí mita mountung aka oyúon in guyanga ḷoḷaki inta mopia bo motuḻid in kobobiagnea.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.

MAZMUR 37:29

Intau motoḷutui in motarimabí kon butá tatua, bo mogutun kon tua modapot in mononoi.

MAZMUR 37:22

Intau inta binarakatan i Tuhan in motarimabí kon butá tatua, táe intau inta kinutuk-Nea in untunon-Neabí.

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MAZMUR 31:19

Tukumaidon in bibig intau mouboḷ inta takin ḷoḷatú mongempeng kon intau motuḻid in gina.

MAZMUR 37:9

Sin intau inta mogaid kon moraat in inggamáanbí, táe inta nongamang mako kon i Tuhan in motarimabí kon butá tatua.

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.