MAZMUR 24:8 - Alkitab Singog In Mongondow Masa In Tanaa

⁸ Ki ine in ki Datu inta momulia? Siata in ki Tuhan inta motorindog; ki Tuhan inta nopuḻing in kawasa, inta nountung kon pinoparangan.

MAZMUR 24:8 Referans Kwoze

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.

IḶUAIAN 15:3

Ki Tuhan in pojuang inta totok moropot, Ki Tuhan, tuata in tangoi-Nea.

KOLOSE 2:15

Kon kayu pinoyotaḻempang tatuata pinomia i Kristus in bayongan roho inta nomarenta bo inta nongawasa diádon nokopongonu bui. Mosia in pinomiadon tontonan in bayongan intau kon wakutu in diaan i Kristus in mosia saḷaku intau inta sinokodakop kon pinoramean in kinountungan-Nea.

MAZMUR 93:1

Ki Tuhan in Datu; Sia in nogiḷambung in kamuliaan bo ropot. Dunia in sinimindog notorindog diábí modandú.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.