MAZMUR 23:3 - Alkitab Singog In Mongondow Masa In Tanaa

³ Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

MAZMUR 23:3 Referans Kwoze

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

MAZMUR 31:3

indongogaipa kaasí in akuoi bo ḷagidon poḷuat in akuoi. Ikodon in mobaḻí buḷud batuku tampat pogadopanku, naonda bo benteng inta moropot, inta mokosaḷamat kon inakó.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 5:8

Táe popisí in tabi-Mu inta moḷoben, akuoi in motaaubí tumuot kon bonu in Baḷoi-Mu. Dumokó in akuoi tumayow kon Baḷoi-Mu inta motusi, bo sumbáanku in Iko takin ḻimbatú in gina.

MAZMUR 51:12

Baḻídon in ginaku naa modarit, o Allah, toimbagudon in ginaku takin ibog inta moroton.

AYUB 33:30

sinbá Sia in motaau moposaḷamat kon intau bo mobogoi in kopiaan kon kobiagannea.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.

MAZMUR 79:9

Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.

MAZMUR 85:13

Ki Tuhan in mobogoi kon inta mopia, dá butá naton in mobogoibí in bungainea.

AMSAL 4:11

Ain sinundúku in hikmat kon inimu bo nopoontong in kobobiag inta moitutui.

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

YEHEZKIEL 20:14

Táe diábí inaidan-Ku intua popisí in moḷukad kon tangoi-Ku, sinbá tangoi-Ku diá singkuḻeon in bangusa mita inta nokoontong kon i-Nakó nodia kon Israel iḻumuai nongkon Mesir.

YEREMIA 31:8

Nongkon utuan dinia-Ku in mosia nobui; sinipun-Ku in mosia nongkon popod mita in butá. Intau bilog bo intau ḻempeng in moyotakinbí monia, bobay doman inta bagu nononggadí bo bobay inta dongkadon mogoḷat kon wakutu mononggadí. Mosia komintan in mamangoi mobayongbí totok in mamangoi in butá tanaa.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

MAZMUR 34:3

Akuoi in moibog yumunggagá sin oaidan i Tuhan; igumon mako kodongogan in intau inta dinorot bo moḷunganga in ginanea.

MAZMUR 31:4

Oo, Iko in naonda bo buḷud batu bo benteng inta moropot kon inakó! Kapitdon in akuoi podudui in dandi-Mu.

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

MAZMUR 109:21

Táe tuḷungaipa kaasí in akuoi podudui in dandi-Mu, o Tuhan Allahku, posaḷamatdon in akuoi popisí in kopopia bo tabi-Mu.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.